非物資遺產－樂藍一族

全文來自FACEBOOK 迴響:

Ching Mei: 有時發覺原來人生真係會有"醜角"出現, 呢個角色好難演,明明係一個污穢混亂既人,要刻意表現乾淨,本來唔關心父母健康,又要賣口乖,可能就係想父母買樓比自己...呢D醜行比旁觀者看入眼內,以冷笑回應,呢D係父母那處學的?唔知...可能要她自己才知道...以前係醫院見唔少呢D假人,當父母重有知覺時百般呵護,當宣佈完平安紙就閃人...唉...人生真係好黑暗,可惜係做父母卻傻傻的,以為佢係孝順女...可悲...

ESTHER: 父母有好感觸，睇賭王而家就知啦

Ching Mei : ESTHER, 賭王一生榮華富貴,什麼都試過,可謂死而無憾,但是有些人係想過度過先用自己辛苦得來的錢,想著要多留點錢比下一代,連衣服都係穿阿仔D舊衣,那麼到底為乜呢?無錯養兒100歲,長憂99, 但是你們都60幾歲人,還可以做到什麼呢?為她煮午餐飯盒直到90歲?幫她收拾房間,晒衣服直到95歲?要買夠兩層樓比她,等她嫁唔出可以一層用來住,一層用來食?唔知呢D係唔係幸福?如果我有個女,我一定唔會比佢乜都話唔識,要等人離服侍!!

Fai Ming: 人在做，天在看，尿在射，屎在屙!

Ching Mei: 暉明,呢個世界係冇天理,好似我老媽,她人好心地又善良,她一日福都冇享過就走咗,但係果D黑心公主病,成日都有人關心佢,重驚死佢唔肯,又有一對好父母,又有好阿哥,所以呢個世界係冇天理,真係好唔公平...

ESTHER: 之前上親子培育課程，話香港唔係有好多問題兒童，而係有好多問題父母！做父母的就是永遠都覺得比佢的唔夠好，自己什麼都不需要，留返d錢比仔女最緊要！呢d心情真係做左父母才感受到！

Ching Mei: ESTHER, 我唔知道你將會留幾多錢比你個仔,但係我可以話比你知,如果你教董他洗衫,煮飯,煲湯,補衣服,修理簡單家電,教曉他做人不是為咗錢同享受,而係要有自己既理想,我諗咁做你會好過留一千萬身家比佢,我就係一個好例子,我阿媽乜錢都無留低比我,但我從小便跟著她看東西,我學會洗衫,煮飯,煲湯,做家務,修葺花園,任何人行入我屋企都唔信我一雙手可以做到甘多野,我老公D西褲唔合身我改到他合身為止,我自己瘦了,過時了的時裝,我自然改到追上潮流既CUTTING,我老豆同我講一双最靚既手唔係十指纖纖,而係一双勤力而可以做到最多野既手,可能ESTHER你會覺得我唔明點解會有"怪獸父母",但這樣唔緊要的,你要知道公主,王子已經OUT,如果你認為你自己果個重係王子,錦你已經脫節,我好興幸我阿媽生我一双巧手,而唔係留番一千萬比我!

Fai Ming: 坦白講，我見親你媽咪都係慈祥媽媽的笑樣，我覺得都係一種福氣黎嘅!

ESTHER: 好同意你的講法，所以阿仔兩歲我就讓他返全曰制學校，等佢早的自立。應該有的一定會比佢，但一定會適可而止，不求他大富大貴，但他要懂得自力更生！

Ching Mei: Esther 我唔知你知唔知,有D人係係個女兩歲唔夠,已經為她PLAN好將來她要讀双學位,可能你唔覺得驚訝,因為HK大有這樣的人在,有時唔怪得D小朋友會走去跳樓,做媽咪既心態係要自己的小朋友心理生理發展健康,而唔係為咗佢兩歲識玩電腦而自豪,就算專家評估佢IQ超過180又如何?每天只係將開口樣工人幫佢擦牙洗面,大字形睡在梳化等工人幫佢著衫,一D自理能力都冇,就算有諸葛亮既腦袋都冇用,因為佢連鞋帶同左右都唔識分,你話我地既下一代係咪好可悲?係D父母唔識教定係懶得教?*0*

ESTHER: 我都知而家有好多呢類父母，所以話而家係有好多問題父母，唔係好多問題兒童！我老公嘅父母成日叫我個仔做＂寶貝孫＂，如果佢地一齊住就慘啦!

Ching Mei: 錦老人家對孫仔既疼愛係唔可以阻止,但你要知道養不教係父母之過,唔可以賴其他人,子女係父母既一面鏡,當你察覺到小朋友有毛病果時,你首先要檢討自己有無同一問題,例如有D家長好爛口,但係佢地係道鬧D小朋友叫佢地唔好講粗口,我唔知現在D親子課程講D乜,如果你問我點教仔,我只有四個字"感同身受",只要你肯代入他們的世界,而唔係同D三姑八婆數自己D仔女有幾叻或者有幾差,做一些完全不公平既比較,我唔可以擔保你個仔一定會聽教聽話,但係佢一定唔會抗拒同你溝通,有咗溝通,什麼事情都好辨,至少唔會個仔要自殺,大家呆晒先啦!當然我無資格批評任何人,因為我冇仔女,但我都曾經做個父母既顛貝女兒,對兩代既相處都有相當既理解,如果大家係冇言語上既溝通,關係只會越來越疏離!