樂藍一族

唔知幾時開始,美美養成咗每天飲茶既習慣,最為喜歡就是鐵觀音,記得有一次同朋友閒聊,他問到鐵觀音係咩野顏色?我話係青綠色,他好似唔相信,因為佢見過茶楼沖果D係紅色深色既,其實因為茶樓果D茶葉長時間暴露係空氣入面,茶葉氧化咗,味道變咗,其實已經屬於壞茶唔飲得,但係D茶客覺得無所謂,唔追求真味道,如果真正想飲到鐵觀音既真味,你走到茶莊買D細細包獨立包裝抽真空既鐵觀音,有平有貴,一定要抽真空,開咗之後要盡快飲晒,因為茶味係不斷在變,飲綠茶來講好注重顏色,其實鐵觀音屬於半發酵茶但都係以青綠色為佳,選擇茶葉時你見到倦埋一粒粒,但沖開時茶葉變得好大塊就屬於靚茶,唔好用100度攝氏水溫去沖茶,用90度就可以,大概熱水停留空氣2-3分鐘再沖入茶壺內,當然有紫砂茶壺最好,無都唔緊要用普通茶壺,味道差D囉!只要你用心沖一杯鐵觀音出來,你既嗅覺好快有回報,清香撲鼻,要襯熱飲,唔駛幾耐就會上癮喇!有位朋友好怕飲水,我叫佢想皮膚靚就一定要飲水,佢話飲水佢會嘔,飲中國茶又飲厭咗!其實當你學懂飲中國茶係唔會飲厭,只會越飲越穷,呢個真係要去嘆吓!(鐵觀音顏色如下圖)

鐵觀音沖泡:

1. 清潔所有飲茶用具

2. 煲水:香港用礦泉水或蒸餾水,因為HK水有漂白水味

3. 加入適量茶葉入茶壺內

4. 滾水沖入茶壺,第一次用作洗茶具

5. 90度水,浸茶約1分鐘, 沖到茶杯裡面

6. 越靚既茶葉可沖得越多次,普通3-4次就無味

7. 下午茶用來送甜點,好正!!