樂藍一族

閒時無聊就會想一想社會上的一些現象,做吓RESEARCH,然後寫吓BLOG,算係充實一吓自己,等自己唔好脫節,現在經常聽到三個代名詞來形容現今既香港女性,1.港女,2.中女,3.剩女,

呢三個代名詞一定係男人起的,無可能女人會用呢D字眼來形容自己!人生正常只會遇到兩種人,一種係男人,而另一種係女人,我自己係女人,當然了解女人啦!時下有種說法叫"盈男剩女",而當中"剩女"呢個名詞已經成為一個新生供認詞彙,即係可以係字典裡找到,大部分人都知道有呢個代名詞存在,一般過咗三十五歲都未結婚既女性,都好難擺脫呢個字眼,好似唔結婚都會係一種罪?一種錯?我本身好細個,23歲我就結咗婚,但係我都好唔喜歡"剩女"呢個字眼,我覺得係一種好大好大既侮辱,如果有人話我係剩女,我一定會好唔開心,反而聽到"中女","師奶","阿嬸"等呢D稱呼還好一點,因為人始終都會老,為咗更了解呢幾個代名詞背後既真正意義同來源,我看咗一套港產片叫"得閒飲茶",而呢套戲係表達香港女仔>>>俗稱"港女"既形象,而"剩女"日漸增多既原因當中大部分係因為有"港女"性格所至,看這套戲到一半,我覺得好疑惑...因為我唔係好相信香港D女仔會係好似佢地形容一樣>>>1.唔理人感受,2.呼男友之則來,揮之則去,3.遲到遲到無晒譜,4.出街好似當D男友係水魚,一定要男友比錢買東西,重要食D好貴既野...等等,好多好多指控,我唔係偏幫女性,我覺得係有"D"咁既女性,但應該佔少數囉!唔可以話"港女",如果你用"港女"呢個詞,即係直指所有出生於香港既女性都會具備呢"D"性格,我覺得好唔公平,因為我感覺自己唔係錦,連我所識的所有朋友都唔係錦,有時會有聽到一兩個,但係絕大部分都唔係咁差囉!再者如果講到中女既年齡層面,剛剛好係直指我們呢一代,我都係係香港大,我們以前出街有男有女,都係AA制,如果一男一女出街,即係"DATING",唔係男女朋友關係,都係AA,有時男請一餐,有時女請一餐,自己買野自己比錢,我唔係好BUY港片"得閒飲茶"果個說法,我們70年代既女人都係同一個文化背景,受同一種教育,我想情況唔會係咁差囉!美美對"剩女"越來越多有一些個人看法,以下幾篇文章都係歸納別人既講法與及一些報章調查結果再經過美美認真分析後得出一些論點,請大家再看下去,一起研究吓!