無名殺機(Unknown)－樂藍一族

星期五,美美去睇無名殺機,陳生略略講吓故事內容,美美大概知道個故事大綱,現在睇鬼佬戲多咗,D英文進步咗D,都聽到六七成!起初以為呢部戲好悶,所以帶咗D零食入場,驚悶果頭會睡著,但真係出乎意料之外咁好睇,

呢部戲無好大隻既男主角,又無好性感既女主角,打鬥唔算多,但一D都無悶場!呢個故事發生在德國,有時會夾雜咗D德文,一開始你會發現周街都係BENZ,係德國D的士全部都係BENZ,搞到我現在覺得D BENZ 唔再HIGH,呢D係題外話,故事主角係一對美國博士夫婦去德國工公幹,老公因為唔見咗個喼冇晒D証件,諗住返機場找,留低咗老婆係酒店,點知係乘的士途中遇上交通意外,老公暈咗四日,然後醒返,醒返之後乜都唔記得,凈係記得自己個名同埋老婆係酒店等佢,後來遇到老婆,但老婆話根本唔識佢,話佢白撞之餘,重有個同佢同名同姓既博士出現咗,於是男主角報警話有人冒認係佢,但D差人上網調查佢D個人檔案,檔案中真的有個博士同男主角所講的名字同名同姓,但出來的相片全部都係老婆話果個老公而唔係男主角,真係有理說不清,之後的情節有意想不到的發展同結局,近來的戲都屬麻麻,呢部算係佳作,故事有新鮮感,情節安排好清楚緊密,你係唔會看看吓會看錶,GOOD,GOOD,值得入場睇,好看指數8(滿分為10)