樂藍一族

好多人為咗不同原因,就算無病無痛,都會每天吃一大揪維生素,其實有許多維生素同一些保健產品,我地係唔需要食,一個身體健康加上適量運動同均衡飲食,根本就唔需要任何營養補充劑,如果食多咗反而對身體有害無利!維生素簡單來說分兩種,

一種是脂溶性而另外果D就係水溶性,首先水溶性既維生素係身體係唔可以貯存,換句話說就是身體吸收唔到果D多餘水溶性維生素,這全部會經腎臟排走,因此你每天係道食緊廢物落肚,又浪費金錢,又增加咗腎臟負擔!維生素C同B集就屬於水溶性維生素,一般人如果有食深綠色蔬菜同你每天吃一個橙,錦你都唔會缺乏呢兩種維生素,錦咩人需要補充呢?就是孕婦,因為孕婦需要額外葉酸,但係孕婦可能係懷孕初期會有嘔吐情況,往往會營養不足,錦就需要補充維生素B集!其次就是維生素A,D,E,K這些屬於脂溶性維生素,人體既肝臟可以貯存這些維生素,但是A,E,K,都好少人會缺乏,因為係香港既富裕社會真係好少會聽到"營養不良"呢幾個字,再者維生素A太多會中毒,以前D媽咪,唔知邊個傳出用紅蘿蔔汁去開奶會好有益,最後食到BB個個全身黃黃的,呢個就係大多胡蘿蔔素囉!維生素E同K都可以從動物內臟內都可以吸收到,唯一唔可以唔注意就是維生素D喇!我諗大家都知道咩係骨質疏鬆,為咗要防止呢個病,網上,雜誌及電視都會有相同話題探討,其實如果大家有晒太陽同做負重運動,錦就足夠防止骨質疏鬆,不過有D人係要額外補充一D營養,例如曾經多次生產既婦女,高大既人,少晒太陽坐辦公室既人啦...等等,好多人以為缺鈣會造成骨質疏鬆,於是走去食鈣片補鈣,其實就錯咗,因為身體係唔可以直接吸收鈣,係要有維他命D幫助身體吸收先可以,如果你單單食鈣片而缺乏維生素D,多餘果D鈣由腎臟排出體外,但如果太多排唔切,就會造成腎結石,所以大家只補充維生素D就足夠,千萬不要食鈣片,希望這篇文章可以幫到大家!